“Rusiya, Azərbaycan və Ermənistan nümayəndələri dünən - çərşənbə günü Moskvada Ermənistan-Azərbaycan sərhədinin müəyyən ərazilərindəki gərginliyi azaltmaq yollarını müzakirə ediblər”.

 

Qarabaginfo.az xəbər verir ki, bu haqda məlumatlı mənbələr Rusiyanın “İnterfaks” agentliyinə  bildirib.

 

“Dünən Moskvada Ermənistan, Rusiya və Azərbaycan nümayəndələri arasında əsir götürülmüş hərbçilər məsələsi ilə bağlı üçtərəfli danışıqlar aparılıb. Ancaq dünən gecədən etibarən hadisələrin müsbət inkişafı barədə heç bir xəbər məlum deyil”.

Bunu isə işğalçı ölkənin “Johovurd” qəzeti yazır. 

Nəşrin verdiyi məlumata görə, Rusiyanın  Azərbaycandakı sülhməramlı kontingentinin rəhbəri olmaqla yanaşı, RF Silahlı Qüvvələrinin Cənubi Hərbi Dairəsi Komandirinin müavini də olan Rüstəm Muradov vəziyyəti ətraflı izah etmək üçün bu gün İrəvana gələcək. O, görüşü təşkil etmək və danışıqlara rəhbərlik etmək üçün bir neçə gün Moskvada olub. Erməni tərəfdən danışıqlarda Silahlı Qüvvələrin Baş Qərargah rəisinin müavini Arşak Karapetyan və Sərhəd Qoşunları Baş Qərargah rəisi Arman Qasparyan iştirak ediblər. 

 

“Xatırladaq ki, söhbət hərbi əsirlərin geri qaytarılması ilə bağlı olub. Lakin Ermənistan Müdafiə Nazirliyi  əsir götürülmüş 6 erməni hərbçinin dərhal geri  qaytarılmasını tələb edib. Danışıqların ardından nəyə qərar verildiyi aydın deyil. Və dünəndən etibarən müsbət xəbərlər haqqında məlumat yoxdur ” – erməni qəzeti belə yazır. (moderator.az)