“Bizim ərazimizdə təxribat törətməyə çalışan diversantların valideynləri qoy Paşinyanın yaxasından yapışıb minalanmış sahələrin xəritəsini tələb etsinlər. Əvvəla üçtərəfli müqavilədə göstərilir ki, bütün hərbi müdaxilələr dayanıb. Əgər ermənilərin Qarabağda hərbçisi tutulursa, bunlar yüz faiz təxribatçılardır. Buna sübut lazım deyil”

 

 

Qarabaginfo.az xəbər verir ki, bunu Moderator.az-a açıqlamasında professor İlham Rəhimli deyib. İ.Rəhimli bildirib ki, daha ermənilərin nazıyla oynamaq lazım deyil:

 

“Bizim ərazimizdə təxribat törətməyə çalışan diversantların valideynləri qoy Paşinyanın yaxasından yapışıb minalanmış sahələrin xəritəsini tələb etsinlər. Əvvəla üçtərəfli müqavilədə göstərilir ki, bütün hərbi müdaxilələr dayanıb. Əgər ermənilərin Qarabağda hərbçisi tutulursa, bunlar yüz faiz təxribatçılardır. Buna sübut lazım deyil. Ermənilərin həyasızlığı ilə biz nə vaxtda qədər geri çəkiləcəyik. Geri çəkilmək lazım deyil, hökumətimiz də çox düzgün qərar tutub onları terrorçu olduqlarına görə təhvil vermir. Həmin diversantların valideynləri indi yox, Köçəryanın, Sarkisyanın hakimiyyətdə olduğu vaxt ayağa qalxıb deməliydi ki, bizim övladlarımızın başqasının torpağında nə işi var ki, orda da qırılsınlar. Bunlar terrorçudurlar və beynəlxalq qanunlar da bizə imkan verir ki, onları zərərsizləşdirək. Bunları təhvil verəcəyik və sabah yenə üstümüzə gələcəklər. Belə şey olmur. Azərbaycanın mövqeyi dəqiqdi, düzgündü və mən bunu alqışlayıram. Hər halda ermənilərin ziyalıları varsa, hökumətlərindən tələb etsinlər ki, minalanmış sahələrin xəritəsini bizə qaytarsınlar. Əslində isə xəritəni terrorçularla əvəz etmək olmaz. Müharibənin öz qanunları var və ermənilər də o xəritəni bizə qaytarmağa borcludur. Çünki ermənilər təslim aktına qol çəkib. Qaldı ki, erməni hərbçilərin heç birini təhvil vermək olmaz, terrorçu olduqlarına görə cəzalarını da almalıdırlar”.