Çempionlar Liqasının qrup mərhələsinin 2-ci turuna yekun vuruldu.

“Qafqazinfo” xəbər verir ki, “Qarabağ”ın evdə “Roma”ya məğlub olması (1:2) UEFA reytinqində ölkəmizin xal və ya mövqe baxımından yerində saymasına səbəb oldu.
 
Ölkəmiz əvvəlki kimi 3,875 xalla 22-ci yerdədi. Əvəzində izləyicimiz mövqeyində əvvəlki kimi İsveç yox, Şotlandiyadı. “Seltik”in səfərdə “Anderlext” üzərində qələbəsi britaniyalıların xallarının 18,125-ə yüksəlməsinə səbəb olub.
 
Qeyd edək ki, ölkəmiz cari mövsümdə 3,875 xal qazanıb. Bunun 2,125-i “Qarabağ”, 0,750-i “İnter”in, 0,625-i “Zirə”nin, 0,375-i isə “Qəbələ”nin payına düşür.