Belarus Prezidenti Aleksandr Lukaşenko müxalifət fəalları Mariya Kolesnikova, Viktor Babariko, eləcə də müxtəlif ölkələrin vətəndaşı olan təxminən 120 nəfəri əfv edib.

Qarabaginfo.az xarici KİV-ə istinadən xəbər verir ki, əfv olunan şəxslər casusluq, terrorçuluq və ya ekstremizm ittihamları ilə məhkum edilmişdilər.

Qərarın qəbulunda “Avropa regionunda vəziyyətin sabitləşdirilməsi” məqsədinin də nəzərə alındığı bildirilir.

Rəsmi açıqlamaya əsasən, əfv qərarı humanitar amillərlə yanaşı, regional təhlükəsizlik və siyasi sabitlik kontekstində verilib.