Belarusda Ordunun döyüş hazırlığının yoxlanılması məqsədilə hərbi təlimlərə başlanılır.

Qarabaginfo.az BELTA-ya istinadən xəbərinə görə, bu barədə ölkənin Müdafiə Nazirliyindən bildirilib.

Qeyd olunub ki, hərbi manevrlər çərçivəsində zərbə xarakterli pilotsuz aviasiya kompklekslərinin quru qoşunları ilə birlikdə döyüş tapşırıqlarını yerinə yetirmə qabiliyyəti, eləcə də radioelektron mübarizə vasitələrinin fəaliyyəti təftiş olunacaq.

Eyni zamanda müxtəlif tapşırıqlar vasitəsilə mexanikləşdirlmiş hərbi hissə və birləşmələrin, silah-sursat və hərbi texnikanın qarşıya qoyulan vəzifələrin icrasındakı bacarıq və səriştəsi də nəzərdən keçiriləcək.

Təlimlərə Belarus Silahlı Qüvvələrinin Baş Qərargah rəisi Pavel Muraveyko rəhbərlik edəcək.