2025-ci ildə hökumət ölkənin elektroenergetika sektorunda islahatlara başlamağı planlaşdırır.

Qarabaginfo.az bildirir ki, bu barədə ekspert İlham Şaban açıqlama verib.

Onun sözlərinə görə, məqsəd 2028-ci ilə qədər bu sektorun bazar iqtisadiyyatı relsləri üzərinə keçidini təmin etməkdir.
“Azərenerji” bölünəcək. O, artıq elektrik enerjisi sektorunda monopolist rola malik olmayacaq. “Azərenerji” bazarda elektrik istehsal edən şirkətlərdən biri olacaq. Amma təbii ki, payı bazarda kifayət qədər böyük olmaqda davam edəcək”-deyə ekspert bildirib.

İ.Şaban deyib ki, Azərbaycanda elektrikin ötürülməsi üzrə yeni Dövlət Şirkəti yaradılacaq. Bundan əlavə elektrikin topdan satışı üzrə bir qurumun yaradılması da nəzərdə tutulur.
Sonrakı etapda elektrikin paylanması və satışı üzrə “Azərişıq” da ölkədə monopolist rolunu azaltmalıdır.

Qeyd edək ki, br neçə gün əvvəl Azərbaycanın enerji təhlükəsizliyində önəmli yeri olan “Azərenerji”nin rəhbərinə Baş nazir tərəfindən şiddətli töhmət verilib. Səbəb  qazın sərfiyyatını AR yanacaq-energetika balansında göstərilən səviyyədə həyata keçirməyib.