Ermənistanın Razdan şəhərindəki istilik elektrik stansiyasının ərazisində partlayış verib. İlkin məlumata görə, bir nəfər ölüb, 5 nəfər isə yaralanıb.

Qarabaginfo.az “news.am”a istinadən xəbər verir ki, hadisə stansiya daxilindəki mis emalı zavodunun poladtökmə sexində qeydə alınıb.

Əraziyə dərhal yanğınsöndürənlər, xilasetmə qüvvələri və polis cəlb olunub. Nəticədə yaralılar ərazidən təxliyə olunaraq xəstəxanaya çatdırılıb.

Hadisə şahidlərinin dediyinə görə, xəsarət alanlardan ikisinin ayağı amputasiya edilib.