Birinci Qarabağ müharibəsində itkin düşdüyü ehtimal olunan, 31 il sonra dəfn olunduğu yer və kimliyi müəyyən edilən İdris Osman oğlu Baxışovun cəsədinin qalıqları ailəsinə təhvil verilib.

Qarabaginfo.az xəbər verir ki, şəhidlə doğulub boya-başa çatdığı Quba rayonunun Qənidərə kəndində vida mərasimi keçirilib.

Mərasimdə kənd sakinləri, şəhidin ailə üzvləri, rayon icra hakimiyyətinin, hüquq-mühafizə orqanlarının rəhbərləri, ictimaiyyət nümayəndələri iştirak ediblər.

Şəhid İdris Baxişovun nəşi Qənidərə kənd qəbiristanlığında torpağa tapşırılıb.

Qeyd edək ki, İdris Baxışov 1993-cü ildə Kəlbəcərdə itkin düşüb.(Apa)