Qardabanidə keçirilən “Qarabağ Azərbaycandır!” adlı yürüş aksiya ilə davam etdirilib.

Qarabaginfo.az xəbər verir ki, yüzlərlə soydaşımız mərkəzi David Aqmaşenebeli adına parka toplaşıb. 

Aksiya “Yaşasın Azərbaycan!”, “Yaşasın rəşadətli Azərbaycan Ordusu!” şüarları altında keçirilib.

Çıxış edənlər Gürcüstan vətəndaşları olsalar da, ürəklərinin daima milli vətənləri olan Azərbaycanla döyündüyünü söyləyiblər.

Azərbaycanın haqq işində tezliklə qələbə çalacağına əminlik ifadə edən soydaşlarımız zəfər xəbərlərinə sevindiklərini bildiriblər.

Aksiyaya “Yaşasın Azərbaycan-Türkiyə qardaşlığı”, “Yaşasın Azərbaycan-Gürcüstan dostluğu” şüarları ilə yekun vurulub. 

Gürcüstanın Qardabani rayonunun mərkəzində yerli azərbaycanlı sakinlər “Qarabağ Azərbaycandır!” adlı yürüş aksiyası keçirirlər.

“Report”un yerli bürosu xəbər verir ki, əllərində Azərbaycan, Gürcüstan və Türkiyənin bayraqları tutan yürüşçülər Azərbaycana dəstək şüarları səsləndirirlər.

Aksiya çərçivəsində avtomobil karvanı da təşkil olunub.  

Yürüş “Azərbaycan!”, “Ya Qarabağ, ya ölüm!”, “Şəhidlər ölməz, Vətən bölünməz!” şüarları ilə davam etdirilir. "Report"