Türkiyə BMT Baş Assambleyasının Fələstini bu qurumun fəaliyyətini daha geniş hüquq və imtiyazlarla təmin edəcək qərarını alqışlayır.

Qarabaginfo.az xəbər verir ki, bu barədə Türkiyə XİN-nin bəyanatından deyilir.

Qeyd olunub ki, bu qərar beynəlxalq ictimaiyyətin böyük əksəriyyətinin Fələstin xalqının öz dövlətinə sahib olmaq hüququna və iki dövlətli həll yoluna güclü dəstəyini bir daha nümayiş etdirdi.

“Bu münasibətlə bütün beynəlxalq ictimaiyyəti İsrailin Qəzzada vəhşiliyini dayandırmaq və Fələstin dövlətini tanımaq üçün konkret addımlar atmağa çağırırıq”, - XİN qeyd edib.