Erməni əsilli milyarder Ruben Vardanyan Qarabağdan Moskvaya qaçıb.
Qarabaginfo.az "Qraparak"a istinadla xəbər verir ki, o, Rusiyaya böyük ehtimalla, öz idarəçilərindən yeni təlimatlar almaq üçün yollanıb.
Erməni separatçılarının başçısı Araik Arutyunyanın da təqribən on gün əvvəl "müxtəlif hökumət səviyyələrində görüşlər keçirmək üçün" Moskvaya getmişdi. Bir neçə gün əvvəl o, Qarabağa qayıdıb.
"Qraparak"ın fikrincə, separatçılar artıq 58 gündür azərbaycanlıların Qarabağın təbii resurslarının talan edilməsinə qarşı dinc aksiyasının davam etdiyi Laçın yolu ətrafındakı vəziyyətlə bağlı Rusiyanın mövqeyini daha aydın başa düşmək istəyirlər.
