Türkiyədə zəlzələ ilə bağlı axtarış-xilasetmə tədbirləri davam etdirilir.

Qarabaqinfo.az "TRT Haber"ə istinadən xəbər verir ki, dağıntılar altında yatıb qalan və nəyin baş verdiyinin fərqinə varmayan azyaşlı xilas olunub.

Uşaq xilasedicilər tərəfindən oyadılanda "Nə olur, nə olur?" deyə qışqırmağa başlayıb. Xilasedicilərdən biri ona "Sən qəhrəmansan, oğlum" deyərək cavab verib.

Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 3381 nəfər həyatını itirib, 20 426 nəfər isə yaralanıb. Həmçinin 5775 bina dağılıb. modern.az