“Azərbaycanda İKT sahəsində kadr çatışmazlığı göz qabağındadır. Qeyd edildiyi kimi, biz bu sahədə qonşu ölkələrdən geri qalırıq”.

Qarabaginfo.az xəbər verri ki, bunu deputat Vahid Əhmədov Milli Məclisin İqtisadi siyasət, sənaye və sahibkarlıq komitəsinin iclasında bildirib.

“Çalışmaq lazımdır ki, Rəqəmsal İnkişaf və Nəqliyyat Nazirliyi bu sahədə xaricdə oxumaq üçün tələbələr ayırsın, onlarla müqavilə bağlanılsın. O şərtlə ki, həmin tələbələr yenidən Azərbaycana qayıtsınlar. Xaricdə oxuyanların çoxu Azərbaycana qayıtmaq istəmir, çünki orada vəziyyət daha münbitdir, maaşlar yüksəkdir. Mütəxəssisləri bu sahəyə cəlb etmək vacibdir. Bir neçə dəfə elm və təhsil naziri Emin Əmrullayevlə İKT sahəsi üzrə mütəxəssislərin hazırlanması ilə bağlı görüşmüşəm. Məncə, nazirliklər arasında müqavilə bağlanılmalıdır”,- deyə deputat bildirib.