Pakistanda sabiq Baş nazir İmran Xan terrorizmdə ittiham olunur.

Qarabaginfo.az “Euronews”a istinadən xəbər verir ki, son aylar Xan bir neçə mitinq keçirib. Hüquq-mühafizə orqanları hesab edir ki, sözügedən mitinqlər ölkədə siyasi gərginliyi artırıb.

İttihamlar Xanın İslamabadda yüzlərlə tərəfdarının qarşısında çıxışından sonra irəli sürülüb. Siyasətçi görüş zamanı əsas köməkçilərindən biri olan Şahbaz Gillin həbsinə görə polis əməkdaşları və qadın hakimi məhkəməyə verməklə hədələyib.

Qeyd edək ki, İmran Xan 2018-ci ildə Baş nazir seçilmişdi. Bu ilin aprelində parlamentin aşağı palatası Xana qarşı inamsızlıq votumu çıxarıb, onu korrupsiyada və ölkədəki iqtisadi vəziyyəti yaxşılaşdıra bilməməkdə ittiham edib.