Tarix: 12-08-2022 | Saat: 21:11
Bölmə:Karusel / Gündəm | çapa göndər
"Rəqibi təbrik edirəm, layiqli qələbə qazandılar. Heyətimiz geniş deyil, itkilərimiz var idi. Matça pis başlamasaq da, buraxdığımız 2 ucuz qol rəqibə daha rahat oynamağa şərait yaratdı. Fərqi azaltdıqdan sorna ümidləndik, amma ikinci hissənin əvvəlində daha bir top buraxdıq. Belədə oyunu çevirmək çox çətindir".
Qarabaginfo.az-ın məlumatına görə, bunu "Zirə"nin baş məşqçisi Rəşad Sadıqov "Dalğa Arena"da "Sabah"a 1:3 hesabı ilə uduzduqları Azərbaycan Premyer Liqasının II tur matçından sonra deyib.
40 yaşlı mütəxəssis bildirib ki, hücum potensialını artırmaq üçün ikinci hissədə Lorisi meydana buraxıb: "Sərtanın qol vurması heç nə demək deyil. Hücuma yaxşı qoşula bilmirdi. 3-cü qol oyunun sonu idi. Futbolçularım potensialından aşağı çıxış etdi. Daha aqressiv oynamalıyıq".
Digər xəbərlər