"Moskva Rusiya, Ermənistan və Azərbaycan liderlərinin üzbəüz üçtərəfli görüşünün keçiriləcəyini istisna etmir".
Qarabaginfo.az TASS-a istinadla xəbər verir ki, bunu Rusiya xarici işlər nazirinin müavini Andrey Rudenko deyib.
O, Dağlıq Qarabağ nizamlanmasının həlli yollarının axtarışı çərçivəsində yaxın gələcəkdə Rusiya və Ermənistan və Azərbaycan arasında üçtərəfli sammitin keçirilməsinin mümkün olub-olmaması barədə sualı cavablandırıb.
“Biz 9 noyabr 2020-ci il, 11 yanvar və 26 noyabr 2021-ci il tarixlərində üçtərəfli sazişlərin ən yüksək səviyyədə həyata keçirilməsi üçün bütün səviyyələrdə sistemli işi davam etdiririk. Liderlər daimi təmasdadırlar.
Əgər belə bir ehtiyac yaranarsa, üzbəüz görüşün təşkilini istisna etmirik. Mayın 12-də Düşənbədə Sergey Lavrov Azərbaycan və Ermənistandan olan həmkarları ilə MDB Xarici İşlər Nazirləri Şurasının kuluardında danışıqlar zamanı Bakı və Yerevan arasında münasibətlərin normallaşdırılması məsələlərinin bütün spektrini müzakirə edib”, - deyə Rudenko qeyd edib.
