Somalinin xarici işlər naziri Abdisaid Muse Əliyə sui-qəsd cəhdi olub.

Qarabaginfo.az xəbər verir ki, bu barədə Somali xəbər portalı "Shabelle Media Network" məlumat yayıb.

Hadisə ölkənin mərkəzi hissəsindəki Qalkayo şəhərində qeydə alınıb.

Nazirin sözlərinə görə, o, Puntlend ştatının administrasiyasının rəhbəri Səid Denisə tabe olan hərbçilər tərəfindən hücuma məruz qalıb. Abdisaid Muse Ali bildirib ki, onun mühafizəçilərindən biri həlak olub, nazirin olduğu evin sahibi də yaralanıb.