Məhbus Tural Zeynalovun atası Doğru.Az saytında Azərbaycan Respublikasının Prezdenti cənab İlham Əliyevə müraciət edib.
Müraciətdə deyilir:
Hörmətli cənab Prezident, oğlum Tural Zeynalov Gəncə Dövlət Kənd Təsərrüfatı Akademiyasını və Azərbaycan prezidenti yanında İdarə etmə Akademiyasını bitirib. Tural, 14 il Şəmkirdə müxtəlif dövlət qürumlarında qüsursuz xidmət göstərmişdir. O, vətənini və dövlətini sevən, sizin apardığınız siyasəti dəstəkləyərək siz Prezident İlham Əliyeva sadiq bir vətəndaşdır.
Turalın dəstəkliyi ilə Şəmkirdə Xeyriyyəçilər Birliyi yaradılmış, imkansız ailələrə, şəhid ailələrinə, qazilərə və ordumuza maddi və ərzaq yardımı göstərilmişdir. Bundan əlavə yenə də Turalın iştrakı ilə 44 günlük qələbə ərəfəsində bir neçə hərbi hissələrə ərzaq, generator, yataq dəstləri aparmaqla ordumuza dəstək göstərilmişdir.
Kəlbəcərin mənfur düşməndən azad olunmasından sonra, şaxtalı dekabr ayında Tural öz dostları ilə birgə Kəlbəcər şəhərində ermənilər tərəfindən dağıdılmış ,yandırılmış kazarma və ərzaq anbarını əsaslı təmir edərək ordumuzun istifadəsinə vermişdirlər. Qeyd etdiyim işlərə görə həmin hərbi hissənin komandanlığı və müdafiə naziri Zakir Həsənov Turalı Fəxri Fərmanla təltif etmişdirlər.
Vətəninə göstərdiyi xidmtlərinə baxmayaraq Şəmkir Xalq məhkəməsi tərəfindən oğlum heç bir günahı olmadan 2 il 6 ay azadlıqdan məhrum olunub. Məhkəmə prosesində
şahidi dinləmədən Tural həbs olunub.
Bu halda Turalın həbsi qanunsuzdur.
Bunuda qeyd edim ki, Tural ailənin yeganə çörək qazananıdır. Öhtəliyində 3 az yaşlı övladı var.
Möhtərəm cənab Prezident bir ata olaraq sizdən xahiş edirəm,Turalın azadlığa qovuşmasına köməklik edəsiniz.
