Gürcüstanın Marabda-Kartsaxi dəmir yolu sahəsi üzrə hərəkət lokomotivlərin üzərində “Xocalıya ədalət!” şüarı, Bakıdakı “Ana harayı” abidəsi və faciəyə dair faktları özündə əks etdirən posterlər yerləşdirilib.

Qarabaginfo.az Gürcüstan mediasına istinadən xəbər verir ki, lokomotivlər “Azərbaycan Dəmir Yolları” QSC-nin Gürcüstan filialına məxsusdur.

Xocalı soyqırımının 30-cü ildönümü ilə əlaqədar “Xocalıya ədalət!” beynəlxalq təbliğat-təşviqat kampaniyası çərçivəsində keçirilən tədbir çərçivəsində yerli vaxtla saat 12:00-da lokomotivlər siqnal verib, dəmiryolçular bir dəqiqlik sükutla soyqırımı qurbanlarının xatirəsini anıblar.(modern.az)