“ZOE COVID Study”-dən olan ingilis tədqiqatçıları COVID-19-un “Omikron” ştammının simptomlarını təsvir etdilər.

Qarabaginfo.az xəbər verir ki, təşkilat Londonda yerləşən tətbiqinin istifadəçilərinin rəyi əsasında araşdırma aparıb. Alimlərin fikrincə, baş ağrısı, burun axması, tez-tez asqırma, boğaz ağrısı və yorğunluq koronavirusun “Omikron” ştammının ən çox görülən əlamətlərindəndir.

Bununla belə, “Daily Express” müxbirləri daha az rast gəlinən yeni bir virus ştammının gözlənilməz bir simptomuna diqqət çəkdilər. Onların fikrincə, çox vaxt “Omikron” variantına yoluxma iştahsızlıq ilə müşayiət oluna bilər.

Öz növbəsində, “ZOE COVID Study”-nin aparıcı tədqiqatçısı Tim Spektor Milad bayramına qədər “Omikron” ştammının Britaniyada dominant olacağını söyləyib