İran müvəqqəti atəşkəs müqabilində Hörmüz boğazını açmayacaq.

Bu barədə anonim iranlı rəsmi “Reuters“ə danışıb.

Pakistanın təklif etdiyi plana münasibət bildirən dövlət rəsmisi, təklifin nəzərdən keçirildiyini, lakin rəsmi Tehranın heç bir müddət limiti və təzyiqi qəbul etməyəcəyini vurğulayıb.

“Vaşinqton daimi atəşkəs üçün hazır deyil”,- o bildirib.

Qeyd edək ki, bundan əvvəl “Reuters“ Pakistanın İran və ABŞ-a münaqişənin dayandırılması üçün plan təklif etdiyi barədə xəbər dərc edib.