Tarix: 05-08-2020 | Saat: 12:36
Bölmə:Karusel / Gündəm | çapa göndər
Milli Məclisin İqtisadi siyasət, sənaye və sahibkarlıq komitəsinin üzvü Rüfət Quliyev Tibbi Ərazi Bölmələrini İdarəetmə Birliyini (TƏBİB) tənqid edib.
Qarabaginfo.az-ın xəbərinə görə, deputa bildirib ki, iki ay öncə Lənkəranda poliklinikada işləyən həkimlər onun qəbulunda olublar.
“Onların hamısına söz verilmişdi ki, maaşları üç-beş dəfə artıq olacaq. Həmin həkimlər həyatlarını riskə atırlar”, - deyə R.Quliyev söyləyib.
Millət vəkili deyib ki, TƏBİB həmin həkimlərə ayrılan pulları vermir:
“Ona görə də yanıma şikayətə gəldilər. Şikayət ərizəsini götürdüm, neçə dəfə çalışdım ki, TƏBİB-lə əlaqə saxlayım. Məcbur olub iyunun 12-də TƏBİB-ə məktub yazdım”, - deyən R.Quliyev əlavə edib ki, bu günə qədər qurum onun müraciətinə cavab verməyib.
Parlamentari qeyd edib ki, avqustun 4-də TƏBİB-ə zəng edib və deputat kimi onlarla danışmaq istədiyini bildirib, lakin bu, mümkün olmayıb.
“Mənim fikirlərimi parlamentin avqustun 4-də keçirilən komitə iclasında Əmək və sosial siyasət komitəsinin sədri Musa Quliyev də dəstəklədi. Musa müəllim dedi ki, həkimlərə ayrılan pullar hamısı onlara verilməlidir.
TƏBİB-in bu məsələ ilə bağlı yanaşmasında iki qəbahət var: həkimlərə pul verilməyib və mənim müraciətimə 40 gündən çoxdur reaksiya göstərilməyib. TƏBİB məsuliyyətini başa düşməlidir. Mən TƏBİB-in başqa işlərinə qarışmıram, amma əlimdə olan faktları deməliyəm. Maliyyə naziri Samir Şərifov isə komitə iclasında dedi ki, həmin məktubu nazirliyə onun adına ünvanlayım və bununla ciddi məşğul olacaqlar”.Oxu.az
Digər xəbərlər