“Bir gün Paşinyanın oğlunun da məhkəməsi olacaq, çünki vaxtilə o, da Qarabağda əsgərlik çəkib. Cəzasını alacaq, amma hələ tezdi”

 

Qarabaginfo.az xəbər verir ki, bunu Moderator.az-a açıqlamasında yazıçı, millət vəkili Aqil Abbas deyib. A.Abbas Paşinyanın təklifinin daxili auditoriyaya hesablandığını bildirib:

 

“Paşinyanın oğlunu erməni diversantları ilə dəyişmə təklifi daxili auditoriyaya hesablanmış bir şeydi. Onun oğlu kimə lazımdı ki? Qaldı ki, bizdə ermən əsiri yoxdu, onlar terrorçu və diversantlardı. Onların məhkəməsi olacaq və cəzalarını da alacaqlar. Bir gün Paşinyanın oğlunun da məhkəməsi olacaq, çünki vaxtilə o, da Qarabağda əsgərlik çəkib. Cəzasını alacaq, amma hələ tezdi. Paşinyan Stalinin yolunu getmək istəyir. Düzdür, Stalini sevmirəm, amma Paşinyan onun heç çölə atılan dırnağı da ola bilməz”. 

 

A.Abbas deyir ki, Paşinyan bu dəfəki seçkilərdə seçiləcək və bunun da səbəbləri var:

 

“Onu da deyim ki, Paşinyan yenidən baş nazir seçiləcək. Çünki erməni anaları da istəmir ki, övladları Qarabağda ölsün. Seçkiöncəsidi deyə onların hamısı sərsəmləyir. Ermənilər Paşinyana müharibəni saxladığına görə səs verəcək. Erməni anaları artıq dərk edir ki, balaları boş yerə Qarabağda həlak olurlar. Ermənilər xəstə bir toplumdu, amma içlərində ağıllıları da var. Bu xəstəlikləri də onların başında çatlayacaq. İndi Dağlıq Qarabağda Ermənistanın və qondarma rejimin bayrağının olması onlara ruh verir, amma orda yengə rolunu oynayan rus sülhməramlılarının da vaxtı var, hamısı çıxıb gedəcəklər”.