Azərbaycan-Ermənistan sərhədində, Qaragöl ətrafında baş verənlərlə bağlı tərəflərin danışığı baş tutmayıb.

Qarabaginfo.az xəbər verir ki, bu barədə Ermənistan Müdafiə Nazirliyi məlumat yayıb.

Bildirilib ki, əvvəlcədən elan edildiyi kimi, bu gün, 19 mayda saat 14:00-da danışıqlar davam etdirilməli idi. Ancaq Azərbaycan tərəfi danışıqlara gəlməyib.

Azərbaycanın rəsmi qurumları hələ ki, məsələ ilə əlaqədar rəsmi açıqlama verməyib.

Qeyd edək ki, Rusiya tərəflər arasında vaçitəçi olmaq istədiyini bildirirək, Azərbaycanla Ermənistan arasındakı sərhədin demarkasiyası üçün birgə komissiya yaradılmasını təklif edib. 

Rusiya Xarici işlər naziri Sergey Lavrov deyib ki, ölkəsi bu komissiyada məsləhətçi, vasitəçi kimi iştirak edə bilər.