Həsən Həsənov necə öldürülüb? - Şahbazla Dilqəm ziddiyyətli fikirlər səsləndirir...
Tarix: 12-04-2021 | Saat: 17:19
Bölmə:Karusel / Hadisə | çapa göndər
1329 dəfə oxunub.
Digər xəbərlər
Tarix: 12-04-2021 | Saat: 17:19
Bölmə:Karusel / Hadisə | çapa göndər
Xəbər verdiyimiz kimi bu gün Dilqəm Əsgərov və Şahbaz Quliyevlə birlikdə Kəlbəcərdə ermənilər tərəfindən öldürülən Həsən Həsənovun doğum günüdür.
Moderator.az-ın əməkdaşı H.Həsənovun necə öldürülməsi ilə bağlı D.Əsgərova sual ünvanlayıb. D.Əsgərov deyib ki, bunu Şahbaz Quliyevdən soruşun və hətta əsəbiləşib:
“Allah Həsənə rəhmət eləsin. Həsənin necə öldürülməsini Nikol Paşinyanın dostu Şahbaz Quliyev yaxşı bilir. Bunu ondan soruşun. Şahbaz deyir ki, Həsən guya yaralı halda gəlib yanımdan keçdi. Haram olsun Şahbaza, o, nə üzlə Həsənin qəbrinin üstünə gedib. Mən Həsənin vurulduğu görməmişəm. Mən indi Qubadayam. Çox təəssüf ki, Həsənin doğum günündə onun qəbrini ziyarət edə bilmədim”.
Əməkdaşımız məsələylə bağlı Şahbaz Quliyevlə əlaqə saxlayıb. Lakin o, danışmaq istəmədiyini bildirib:
“Dilqəm haqqımda nə deyir özü bilər. İndi bu haqda heç nə danışmaq istəmirəm. Buna imkanım da yoxdur. Sonra nə vaxtsa görüşüb danışarıq”.
Əməkdaşımız daha sonra Həsən Həsənovun qardaşı Nail Həsənovla əlaqə saxlayıb. N.Həsənov isə saytımıza bunları deyib:
“Bu gün Həsənin məzarını ziyarətə Şahbaz da gəlmişdi. Şahbazla Dilqəm bizə ziddiyyətli məlumatlar verirlər. Şahbaz deyir ki, mən tutulandan üç gün sonra Həsən şəhid olub. Dilqəm də deyir ki, mən Həsənin şəhid olmasını görməmişəm. Burda məcburuq ki, Dilqəmin üzərində dayanaq. Dilqəm özü deyirdi ki, Həsənlə bir yerdəydik. Onunla görüşdük, amma 15-20 dəqiqənin içində bütün bunları danışmaq mümkün deyildi. Dilqəm deyirdi ki, Həsəni Zod qızıl yatağı tərəfdə vurdular. Amma ermənilər yazırdı ki, Xankəndində Həsənin meyitini Şahbaza və Dilqəmə göstərdik. Onlar hər ikisi meyiti tanıdı. Amma indi ikisi də deyir ki, Həsənin meyitini görməmişik. Yəni bu cür ziddiyyətli mələlər var”.
N.Həsənov deyib ki, hələ indiyə kimi şəhid qardaşının sığorta pulunu ala bilməyiblər:
“Biz hələ indiyə kimi Həsənin sığorta pulunu ala bilməmişik. Yeddi ildir ki, get-gəldəyik. Bir də ölkə başçımızdan xahişimiz odur ki, Həsəni bu qəhrəmanlığına görə medalla təltif etsin”.
Xəbəri paylaş
Digər xəbərlər
26-07-2022, 12:24
Əlilliyinin bərpası 6 aydan çox çəkən şəxslərə əvvəlki ayların pensiyası ödənilməyəcək
17-03-2022, 07:39
İki həftədir mühasirədə qalan şəhər.. - Niyə Mariupol?
20-08-2020, 16:30
Sabahdan milli parklar açılır
18-02-2022, 00:31
“Qarabağ”ın kapitanı tarixi rekorda şərik oldu
14-04-2020, 14:53
Xarici dövlətin vətəndaşlığını qəbul etmiş Azərbaycan vətəndaşının məlumat verməməsinə görə cinayət məsuliyyəti ləğv edilir
12-07-2020, 23:27
Rusiyanın 22 həkimi Azərbaycana gəldi
19-10-2021, 15:12
ANAMA sədri Böyük Britaniya səfiri ilə minatəmizləmə əməliyyatlarını müzakirə edib
5-10-2021, 10:56
İran səfiri Ermənistanı “dost və qardaş ölkə” adlandırdı
28-10-2020, 16:40
Daha 13 kənd işğaldan azad edilib
22-04-2023, 13:13
Rusiya Hindistana silah tədarükünü dayandırıb- 2 milyardlıq müqavilə niyə icra olunmur?