Saytımızı qiymətləndirin


 
 

QMİ sədri Allahşükür Paşazadə və dini konfessiya rəhbərlərinin Bərdə və Ağdama səfəri başlayıb
Tarix: 07-04-2021 | Saat: 10:03
Bölmə:Karusel / Qarabağ | çapa göndər

 

QMİ sədri Allahşükür Paşazadə və dini konfessiya rəhbərlərinin Bərdə və Ağdama səfəri başlayıb

Qafqaz Müsəlmanları İdarəsinin sədri Allahşükür Paşazadə və ölkədəki dini konfessiyaların rəhbərlərinin Ağdama səfəri başlayıb. 

Qarabaginfo.az xəbər verir ki, səfərdə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə, idarənin Qazılar Şurasının üzvləri, Azərbaycandakı Dağ yəhudiləri icmasının rəhbəri Melix Yevdayev, Bakıdakı Avropa yəhudiləri icmasının rəhbəri Aleksandr Şarovski, Azərbaycandakı Roma Katolik İcmasının rəhbəri Vladimir Feketen, Alban udi dini icmasının rəhbəri Robert Mobili və Pravoslav kilsəsinin nümayəndələri iştirak edirlər. 

Səfər çərçivəsində QMİ sədri və dini konfessiya rəhbərləri ilk olaraq Bərdə şəhərindəki Şəhidlər xiyabanını ziyarət edərək Vətən uğrunda canından keçən qəhrəmanların ruhuna dualar oxuyublar. Daha sonra nümayəndə heyəti Bərdədə Cümə məscidini ziyarət ediblər. Daha sonra Ağdama səfər edəcək QMİ sədri və dini konfessiya rəhbərləri Ağdamın Cümə məscidini ziyarət edərək orada namaz qılacaqlar. APA



Xəbəri paylaş

1286 dəfə oxunub.

Digər xəbərlər