Kreml Rusiya Prezidenti Vladimir Putin və ABŞ Prezidenti Co Bayden arasında ötən gün Cenevrədə keçirilən görüşdə müzakirə olunan məsələləri açıqlayıb.

Qarabaginfo.az xəbər verir ki, Kremlin mətbuat katibi Dmitri Peskov Putin-Bayden görüşündə Suriya, İran, Liviya və Ukrayna ilə bağlı məsələlərin müzakirə olunduğunu bildirib.

Onun sözlərinə görə, təmaslar bundan sonra da davam etdiriləcək.

Qeyd edək ki, dünən İsveçrənin Cenevrə şəhərində Rusiya və ABŞ liderləri arasında görüş keçirilib. Kibertəhlükəsizlik, dünyada sabitliyin qorunması, regional münaqişələr və ikitərəfli münasibətlərin müzakirə olunduğu Putin-Bayden görüşü 4,5 saat davam edib.