“Öz iddialarımızı digər təşkilatlar arasında hüquqi səviyyədə qaldırmaq üçün kifayət qədər faktlarımız var”.

Qarabaginfo.az xəbər verir ki, bunu ekologiya və təbii sərvətlər nazirinin müavini Vüqar Kərimov Oxçuçayın Ermənistan tərəfindən çirkləndirilməsi və işğaldan azad olunmuş ərazilərdə ekoloji duruma dair mətbuat konfransında deyib.

Onun sözlərinə görə, işğaldan azad olunan ərazilərdə komendaturalar yaradılıb:

“Həmin ərazilərdə 147 təbiət abidəsi var. Bunların 100-dən çoxu tamamilə məhv edilib. Bir qismi isə ermənilərin oradan getməyəcəklərinə ümidli olduqları üçün sağlam qala bilib. Məsələn, yaşı 700-dən yuxarı olan çinar ağacı var ki, ona toxunulmayıb", - V. Kərimov bildirib.