İsrail demək olar ki, bütün koronavirus məhdudiyyətlərini ləğv edib. Yalnız qapalı məkanlarda qoruyucu maskaların taxılması tələbi qalıb.

Qarabaginfo.az xəbər verir ki, bu barədə “Qafqazinfo” “Kan” radiosuna istinadən xəbər verir.

Qeyd edilir ki, iyunun 1-dən etibarən yəhudi dövlətinin vətəndaşları ictimai tədbirlərə və müəssisələrə gedərkən vaksinasiya haqqında sənədi göstərməməlidir. Səhiyyə Nazirliyi COVID-19-a yoluxma hallarının uzun müddətdir aşağı səviyyədə olduğunu bildirib.

Qeyd edək ki, ötən ilin dekabrında İsraildə kütləvi vaksinasiya başlayıb. Son 5 ay ərzində ölkə sakinlərinin 55%-i (5,1 milyon insan) peyvənd olunub.