"SU" qırıcıları arsenalımızda olan raketləri də daşıya bilər.

Qarabaginfo.az xəbər verir ki, Ermənistan Silahlı Qüvvələri Baş Qərargahının keçmiş rəisi general-polkovnik Movses Hakobyan bunu martın 23-də keçirdiyi mətbuat konfransında bildirib.

 

“Niyə istifadə etmədilər? Dəqiqləşdirilməmiş məlumatlara görə, çoxfunksiyalı aviasiya sistemi olaraq üç parametrə sahib olması lazım olan SU-30, bildiyim qədər bu funksiyalardan hansısa birinə malik deyil. Bəlkə təyyarənin heyəti bu səbəbdən havaya qalxmadı? ", - deyə Akopyan bildirib.

 

Bütövlükdə aviasiyamıza gəlincə, o, bu sahəyə kifayət qədər çox pul xərcləndiyini vurğuladı. “Yalnız yanacaq baxımından aviasiya üçün bütün ordu ilə müqayisədə daha çox pul xərclənir. Onların maaşları 3-cü korpusun bütün personalının maaşından yüksəkdir. Aviasiya çox bahalı məşğuliyyətdir və biz də çox baha ödəniş edirik. Bütün bunlar niyə tətbiq olunmadı? Bu sualın cavabına ehtiyacımız var. Şəkil çəkmək üçün aviasiyaya malik ola bilməzsən, beləliklə insanları da aldada bilməzsən”,- deyə o bildirib. 

 

“Rusiya hökuməti tərəfindən qadağan edildiyini söylədiyim silahlar yalnız bir raketə aiddir. Qalan raketlərdən bir neçəsi bizdə mövcuddur, digər yarısı da asanlıqla əldə edilə bilər. Niyə alınmayıb? Anbarlarımızdakı raketlər niyə istifadə olunmayıb? Öz fərziyyələrim var, amma təsdiq edə bilmirəm”,- deyə Akopyan yekunlaşdırıb. (Moderator.az)