“İran Azərbaycana hücum etməyə qərar versə, deməli, ən ağılsız, ən axmaq dövlətdir...”
Tarix: 03-04-2023 | Saat: 17:15
Bölmə:Karusel / Region | çapa göndər
182 dəfə oxunub.
Digər xəbərlər
Tarix: 03-04-2023 | Saat: 17:15
Bölmə:Karusel / Region | çapa göndər
“Daxilində sabitlik olmayan dövlət heç vaxt müharibədə qalib gələ bilməz...”
“Son günlər yenə də bəzi “SEPAH” generalları bizə qarşı hədə dolu çıxışlar etməyə başlayıb... Əgər İran Azərbaycana hücum etməyə qərar versə, deməli, ən ağılsız, ən axmaq dövlətdir. Bu halda o, bir dövlət kimi məhv olub getməlidir. Çünki öncə bunu nəzərə almaq lazımdır ki, bu dövlətin tutduğu ərazidəki əhalinin bəlkə də yarıdan çoxu Azərbaycan türkləridir”.
Bunu Moderator.az-a açıqlamasında keçmiş müdafiə naziri, general-mayor Tacəddin Mehdiyev söyləyib.
“İkincisi, Azərbaycan ordusu sayca İran ordusundan az olsa da, artıq 90-cı illərin ordusu deyil. Dövlətimiz ordumuzu son 20-25 ildə dünyanın ən müasir və güclü texnologiyalarına, silah və texnikalarına yiyələndirdi və sonda da 44 günlük savaşda özünü göstərdi. İran ordusu isə təsəvvür və təbliğ edilən qədər güclü deyil və elə 40-50-ci illərin texnologiyası və taktikası ilə hərəkət edən Rusiya ordusundan çox da fərqlənmir. Və əgər İran elə bilirsə ki, Azərbaycan əvvəlki Azərbaycandır, çox ciddi şəkildə yanılır...
Üçüncüsü, bizim arxamızda qardaş Türkiyə kimi NATO-nun ən güclü ordularından birinə malik olan dövlət, Pakistan kimi müsəlman ölkəsi var. Bizimlə müttəfiq olan İsrail kimi bir əjdaha İrandan çox da uzaqda deyil. İranın arxasında kimdir? Dünyanın guya ikinci ən güclü dövləti sayılan, amma əslində dağılıb-tökülən nəhəng arabaya bənzər Rusiya imperiyası?..
Dördüncüsü, bəlkə də ən əsası isə hazırda İran yarım ilə yaxındır ki, öz daxilində stabilliyi bərpa edə bilmir. Daxilində sabitlik olmayan dövlət heç vaxt müharibədə qalib gələ bilməz. Odur ki, İran müharibəyə başlasa, tez bir zamanda elə öz daxilindən dağılacaq”, – general əlavə edib.
“Bütün bunlarla belə, əlbəttə, Azərbaycan da bütün qonşularla sülh şəraitində yaşamaq istəyir və dövlətimiz çalışır ki, İranla da bütün ziddiyyətləri diplomatik yollarla həll etsin. Amma o da var ki, bizə qonşu olan bu iki böyük dövlətin – istər İranın, istərsə də Rusiyanın heç bir sözünə, vədinə, imzasına inanmaq olmaz”- deyə keçmiş nazir sonda qeyd edib.
Xəbəri paylaş
Digər xəbərlər
3-02-2021, 11:09
Səlim Müslümov həbs edildi
21-08-2023, 15:00
İdmançımız Koreyada qızıl medal qazandı
18-09-2020, 13:47
“Neftçi” üçüncü dəfə öz meydanında ən ağır məğlubiyyətini alıb
23-06-2021, 07:30
Bu gün ermənilərdən ibarət terrorçu silahlı birləşmənin daha bir qrupunun məhkəməsi başlayır
6-09-2021, 20:39
Azərbaycan bu il Saratovdan 140 min ton buğda və arpa idxal edib
10-02-2022, 20:47
Türkiyə ordusu 300-dən çox terrorçunu zərərsizləşdirib
5-04-2022, 18:55
Türkiyə Buçada törədilən qətliamla bağlı çağırış edib
13-05-2022, 17:55
“Fosfalyugel" dərmanının seriyası geri çağırılıb
23-10-2021, 19:08
Türkiyə 10 ölkənin səfirini "persona non qrata" elan edib
7-09-2022, 14:01
Bu ölkədə liderin seçilməsi demokratiyadan uzaqdır - PUTİN