Saytımızı qiymətləndirin


 
 

Çayda boğulan sərhədçi əsgərin atası oğlunun xidmət etdiyi sərhəd zastavasında olub - VİDEO
Tarix: 12-07-2020 | Saat: 23:00
Bölmə:Karusel / Cəmiyyət | çapa göndər

2020/07/332-1594578115.jpg

 

12 iyul tarixində mərhum əsgər Fərdi Yarəliyevin atası və yaxın qohumları onun xidmət etdiyi sərhəd zastavasına səfərləri barədə videomaterialı diqqətinizə təqdim edirik.

Qarabaginfo.az xəbər verir ki, mərhum əsgərin yaxınları onun ölüm hadisəsinin baş verdiyi çay kənarında olub, şahidlər və mərhumun əsgər yoldaşları ilə görüşüb, hadisənin təfərrüatları ilə tanış olublar.


Əsgər Fərdi Yarəliyevin üzmək üçün çaya daxil olmasının bilavasitə şahidi olub və təhlükəli olduğuna görə onu bu hərəkətdən çəkindirməyə çalışmış Zaqatala rayonu 1-ci Tala kənd sakini Ramazan Hacıyev gördüklərini onlara danışıb.

Sərhəd zastavasında sərhəd naryadında olan hərbi qulluqçuların təhlükəsizlik qaydalarının tələbləri, o cümlədən də çayda üzmənin qəti qadağan edilməsi barədə qeydiyyatlar mərhumun qohumlarına təqdim olunub.

Məhkəmə tibb eksperti Ramin Cəbrayılov keçirdiyi tibbi ekspertiza barədə məlumat verib.


Zaqatala hərbi prokuroru Surxay Hüseynov onlarla görüşüb, mərhumun cəsədinin çaydan çıxarılmasını əks etdirən videomateriallar nümayiş etdirilmiş, sualları cavablandırılıb.

Keçirilmiş görüşlər və aparılmış söhbətlər nəticəsində mərhum əsgərin ölümü ilə əlaqədar müxtəlif KİV-lərdə və sosial mediada yayılmış əsassız ittihamların tam qərəzli və həqiqətə zidd olması bir daha öz təsdiqini tapıb. "Ordu"


Xəbəri paylaş

374 dəfə oxunub.

Digər xəbərlər