DataLife Engine > Yazdırılabilir versiyon > Azərbaycanda kimya sənayesi məhsullarının istehsalı 8%-dən çox artıb

Bu ilin yanvar-oktyabr aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 920,8 milyon manatlıq məhsul istehsal edilib.

Dövlət Statistika Komitəsindən Qarabaginfo.az-a verilən məlumata görə, əvvəlki ilin müvafiq dövrü ilə müqayisədə əczaçılıq məhsullarının istehsalı 2 dəfə, rezin və plastik kütlə məmulatlarının istehsalı 12,6 faiz, kimya sənayesi məhsullarının istehsalı isə 8,4 faiz artıb.

Kimya sənayesi məhsullarından polietilen istehsalı 4 faiz, etilen istehsalı 3,2 faiz, karbamid istehsalı 0,4 faiz, rezin və plastik kütlə məmulatlarından polietilendən başqa, digər plastmas kisələr və çantalar istehsalı 86,8 faiz, plastmas, çubuqlar, millər və profillər istehsalı 28,5 faiz, plastmas butulkalar, flakonlar və oxşar məmulatlar istehsalı 20,5 faiz artıb.

Azərbaycanda istehsal olunan kimya sənayesi məhsulları:

Məhsul növləri	2025-ci ilin yanvar-oktyabr aylarında istehsal edilib	Əvvəlki ilin müvafiq dövrünə nisbətən, faizlə	01.11.2025-ci il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	38334,9	103,4	28,6
ondan azot, min kub metr	20092,3	101,4	24
Lak-boya məmulatları, ton	34632,7	99,4	411
Qeyri-üzvi kimyəvi maddələr, ton	18670,0	67,6	5380,0
ondan yod, ton	168,2	97,7	27,1
Üzvi kimyəvi maddələr, min ton	754,4	96,3	56,5
ondan: etilen, min ton	130,1	103,2	1
propen (propilen), min ton	121,1	101,3	0,6
metanol (metil spirti), min ton	403,8	95,8	41,3
Etil spirti, min dkl	64,3	110,7	44
Gübrə və azot birləşmələri, min ton	533,9	100,4	52,6
Ondan: karbamid, min ton	533,7	100,4	52,5
İlkin formada plastik kütlə, min ton	253,5	103,8	27,2
ondan polietilen, min ton	125,3	104,0	7,5
Yapışqan və yapışdırıcı maddələr, min ton	141,8	129,3	10,7

Azərbaycanda kimya sənayesi məhsullarının istehsalı 8%-dən çox artıb - CƏDVƏL