Son 11 il planet üçün ən isti il ​​olub.

Qarabaginfo.az bildirir ki, bu barədə Ümumdünya Meteorologiya Təşkilatının hesabatında açıqlanıb.

Hesabatda vurğulanır ki, atmosferdəki istixana qazlarının konsentrasiyasının durmadan artması səbəbindən bu tendensiyanın davam edəcək.

ÜMT-nin hesabatında vurğulanır ki, 176 illik qeydlər dövründə 2015-ci ildən 2025-ci ilə qədər ən yüksək temperaturlar qeydə alınıb. Bu dövrün son üç ili ən isti olub. 2025-ci ilin yanvar-avqust ayları üzrə məlumatlara əsasən, Yer kürəsində orta səth temperaturu sənayeləşmədən əvvəlki səviyyələri 1,42°C üstələyib.

Okean istiliyinin miqdarında və istiliyi tutan istixana qazlarının konsentrasiyalarında sabit artım müşahidə olunub. Bu dəyərlər 2024-cü ildə pik həddə çatıb və 2025-ci ildə də artmaqda davam edir.

“Rekord miqdarda istixana qazları rekord istiliyə səbəb olur. Dəniz buzları və buzlaqlar əriməyə davam edir. Ekstremal hava şəraiti geniş sosial və iqtisadi pozuntulara səbəb olur”, – hesabatın müəllifləri yazır.

6-7 noyabr tarixlərində Braziliyada Avropa, Latın Amerikası və Afrika liderlərini bir araya gətirən iqlim sammiti keçirilir.