Ankarada vacib toplantı - Ərdoğan komandası ilə Azərbaycanı MÜZAKİRƏ EDƏCƏK

Türkiyə Milli Təhlükəsizlik Şurasının növbəti iclası keçiriləcək.

Qarabaginfo.az-ın Türkiyə mətbuatına istinadən verdiyi məlumata görə, Prezident Rəcəb Tayyib Ərdoğanın sədrliyi ilə bu gün günorta saatlarında Ankarada başlayacaq toplantında Türkiyə sərhədləri daxilində və xaricində yaşanan hadisələr müzakirə olunacaq.

2025-ci il ərzində dördüncü dəfə baş tutacaq iclasın ən önəmli gündəmi "Terrorsuz Türkiyə" vizyonu çərçivəsində atılan növbəti addımlar olacaq. PKK-nın simvolik olaraq tərksilah edilməsinin ardından bölgədə baş verən son hadisələr və parlament komissiyası fəaliyyəti müzakirə ediləcək.

Görüşdə meşə yanğınları, eləcə də Rusiya-Ukrayna müharibəsi və Cənubi Qafqazda Azərbaycanla Ermənistan arasında münasibətlərin müzakirə olunacağı gözlənilir.

Digər tərəfdən MGK-nın general və admiralların təyinatlarını təyin edən Ali Hərbi Şuranın təqvimini müzakirə etməsi gözlənilir .