Rusiya şirkətlərinin gəlirləri 2023-cü ilin birinci yarısında kəskin şəkildə azalıb.
Qarabaginfo.az xəbər verir ki, Federal Vergi Xidmətinin məlumatına görə, yanvar-iyun aylarında gəlirlər 342,2 trilyon rubl olub.
Ötən il bu rəqəm 694 trilyon idi.
Ən böyük şirkətlərin 2023-cü ilin doqquz ayı üzrə hesabatları gəlirlərin azaldığını təsdiqləyir. Məsələn, “Qazprom”un gəlirləri 36, “Rosneft”in 8, “Lukoyl”un 12, “Uralkali”nin 26, “Akron”un 34 faiz azalıb.
Ekspertlər hesab edir ki, ilin sonuna qədər şirkətin gəlirləri ilə bağlı vəziyyətin əvvəlki illərin səviyyəsinə qayıtması real görünmür. Onların sözlərinə görə, geosiyasi vəziyyət və neftin qiymətinin səviyyəsi uzun illər ərzində daxili iqtisadiyyata ciddi təsir göstərməkdə davam edəcək.