Bu gün saat 08:20 radələrində Bakı-Qazax yolunun 55 km-də 3 nəqliyyat vasitəsinin toqquşması nəticəsində qəza baş verib.
Qarabaginfo.az xəbər verir ki, hadisə zamanı yanacaqdaşıyan maşınla "Kamaz" toqquşub və daha bir neçə maşın zərər çəkib. Yoldan keçən bir neçə avtomobil yanıb, 1 nəfər ölüb.
Əraziyə dərhal Baş DYP İdarəsinin və FHN-nin əməkdaşları cəlb edilib.
Yanğının söndürülməsi istiqamətində iş aparılır.
Ərazidə təhlükəsizlik tədbirləri görülür.
