Ərdoğan Zelenski və Putinlə danışacaq
25-03-2022, 14:28. Yazar: Admin
Türkiyə Prezidenti Rəcəb Tayyib Ərdoğan bu gün ukraynalı həmkarı Volodimir Zelenski ilə, həftə sonu isə rusiyalı həmkarı Vladimir Putinlə NATO-nun Brüssel sammitinin nəticələrini telefonla müzakirə etməyi planlaşdırdığını bildirib.
Qarabaginfo.az “RİA Novosti”yə istinadən xəbər verir ki, bu barədə Ərdoğan Brüsseldən qayıdarkən təyyarədə jurnalistlərə açıqlamasında deyib.
“Bu gün Zelenski ilə telefon danışığım olacaq. Ola bilsin ki, bu həftənin sonunda və ya növbəti həftənin əvvəlində Putinlə yenidən danışıqlar aparacağam. Bu danışıqlarda biz NATO sammitinin nəticələrini müzakirə edib dəyərləndirməliyik”, - deyə Ərdoğan qeyd edib. O bildirib ki, danışıqlar zamanı Putinə sülhə çağırışla bağlı müraciət edəcək.
Geri dön