İqtisadiyyat Nazirliyi ixracatçılara müraciət edib.

İqlim dəyişiklikləri və son dövrlər baş verən geosiyasi proseslər səbəbindən dünya bazarlarında əsas ərzaq mallarının qiymətlərində davamlı artım, habelə qonşu ölkələrin bazarlarında həmin malların logistika-təchizat zəncirində yaranmış problemlərlə əlaqədar Nazirlər Kabinetinin Qərarı ilə bəzi məhsulların ixrac olunması üçün İqtisadiyyat Nazirliyi tərəfindən rəy verilməsi müəyyən edilib.

Qarabaginfo.az xəbər verir ki,"APA-Economics", bununla əlaqədar olaraq Nazirlik ixracatçılara müraciət ünvanlayıb. Qurumdan bildirilib ki, həmin malların ixracı ilə məşğul olan sahibkarlar nazirliyiə poçt vasitəsilə və ya elektron qaydada (https://e-services.economy.gov.az/sertifikatlar/menseForm.aspx) müraciət edə bilərlər. Daxil olan müraciətlərə 5 iş günü müddətində baxılaraq müvafiq cavab veriləcək.

Prosesin fasiləsizliyinin təmin edilməsi üçün Nazirliyin müvafiq strukturları bayram günlərində də adi iş rejimində fəaliyyət göstərir.