Azərbaycanda dörd vulkan püskürə bilər

Fevralın 5-də, gecə saatlarında Şamaxı-İsmayıllı bölgəsində baş verən 
zəlzələdən sonra dörd vulkan aktivləşə bilər.

"Qarabaginfo" xəbər verir ki, bunu "Oxu.az"a açıqlamasında AMEA-nın Geologiya və Geofizika İnstitutunun Palçıq vulkanizmi şöbəsinin rəhbəri, geologiya-mineralogiya elmləri doktoru, professor Adil Əliyev bildirib.

Onun sözlərinə görə, zəlzələnin Qobustanda “Şıxzərli”, Şamaxıda “Quşçu”, “Dəmirçi”, “Qızmeydan” vulkanlarında aktivləşmə yarada biləcəyi ehtimal olunur:

Təcrübə göstərir ki, vulkana yaxın ərazilərdə zəlzələ olduqda püskürmə baş verir. Buna görə də bu vulkanların püskürəcəyi gözlənilir”.

Adil Əliyev qeyd edib ki, hazırda zəlzələ baş verən ərazidə araşdırma aparılır:

“Dəqiq məlumatı araşdırmadan sonra demək mümkündür. Bəlkə də, aktivləşmə püskürmə şəklində yox, vulkanın fəaliyyətində aktivlik şəklində özünü göstərəcək”.