Bu gün Azərbaycan ordusunun Daşaltı əməliyyatının 26 illiyi münasibətilə şəhid olan əsgər və zabitlərinin xatirəsi yad edilib.
 

"Qarabaginfo"nun "Apa.az"a istinadən xəbərinə görə, "Azərbaycan Respublikasının Dağlıq Qarabağ Bölgəsinin Azərbaycanlı İcması" İctimai Birliyi, Azərbaycan Vətən Müharibəsi Veteranları Birliyi, Şuşa Rayon İcra Hakimiyyəti və ictimaiyyət nümayəndələri Şəhidlər xiyabanını ziyarət ediblər.
  

"Azərbaycan Respublikasının Dağlıq Qarabağ Bölgəsinin Azərbaycanlı İcması" İctimai Birliyinin sədri Bayram Səfərov bildirib ki, ölkədə şəhidlərin adları həmişə uca tutulub və onların xatirəsi əzizdir: "Gün olsun ki, biz işğal olunmuş torpaqlarımızı azad edək və şəhidlərin ruhu da şad olsun".