Mehriban Əliyeva Rüstəm İbrahimbəyovun ailəsinə başsağlığı verdi

Azərbaycanın Birinci vitse-prezidenti Mehriban Əliyeva Rüstəm İbrahimbəyovun vəfatı ilə bağlı sosial şəbəkə hesabında paylaşım edib.

Qarabaginfo.az xəbər verir ki, paylaşımda deyilir: 

“Azərbaycan Respublikasının Xalq yazıçısı Rüstəm İbrahimbəyovun vəfatı ilə əlaqədar onun ailəsinə dərin hüznlə başsağlığı verirəm. Onunla keçirilən görüşlərimizi hər zaman xatırlayacağam. Allah rəhmət eləsin”.

Xatırladaq ki, xalq yazıçısı, Azərbaycan Kinematoqrafçılar İttifaqının sədri, kinodramaturq Rüstəm İbrahimbəyov martın 10-dan 11-nə keçən gecə Moskvada, 83 yaşında dünyasını dəyişib.