İcra başçısı kənddə görüş keçirdi

Lənkəran Şəhər İcra Hakimiyyətinin başçısı Taleh Qaraşov növbəti səyyar qəbul-görüşünü rayonun Osakücə kəndində keçirib. 

İH-dən "Qarabaginfo"ya daxil olan xəbərə görə, icra strukturları, hüquq-mühafizə orqanları, aidiyyəti idarə və xidmət sahələrinin rəhbərlərinin iştirak etdikləri görüş zamanı İcra başçısı kənd sakinlərini dinləyərək onların problemləri ilə maraqlanıb.

T.Qaraşov çıxışında rayonun soisal-iqtisadi inkişafı məqsədilə həyata keçirilən abadlıq-quruculuq işlərinin Osakücə inzibati ərazi dairəsindən də yan keçmədiyini qeyd edərək bu işlərin bundan sonra da davamlı xarakter daşıyacağını, kənd əhalisinin arzu və təkliflərinin mütəmadi nəzərə alınacağını bildirib.