DataLife Engine > Yazdırılabilir versiyon > İsrail Livanda Hizbullah üzvünü zərərsizləşdirib

İsrailin Hərbi Hava Qüvvələrinə məxsus pilotsuz uçuş aparatı Livanın cənubunda avtomobilə zərbə endirib, nəticədə Hizbullah üzvü ölüb.

Qarabaginfo.az xəbər verir ki, bu barədə “Al Jadeed” telekanalı məlumat yayıb.

Telekanalın məlumatına görə, insident Sayda şəhəri ətrafında magistral yolda baş verib. Dron avtomobilə iki raket zərbəsi endirib, nəticədə nəqliyyat vasitəsi partlayıb. Hizbullahın silahlı üzvlərindən biri hadisə yerində ölüb.

Qeyd edək ki, fevralın 1-də İsrailə məxsus pilotsuz uçuş aparatlarının endirdiyi zərbələr nəticəsində Hizbullahın daha iki üzvü öldürülüb. Bundan əlavə, İsrail Hərbi Hava Qüvvələri Livanın cənub bölgələrində Hizbullahın anbarlarına hava zərbələri endirib.