Donald Tramp BMT-nin qərargahının Nyu-Yorkdan köçürülməsinə qarşı çıxıb
Bu gün, 08:52. Yazar: Admin
ABŞ Prezidenti Donald Tramp Birləşmiş Millətlər Təşkilatının qərargahının Nyu-Yorkdan köçürülməsinə qarşı olduğunu bildirib.
Qarabaginfo.az xəbər verir ki, Tramp bu barədə “Politico” qəzetinə müsahibəsində danışıb.
“Bunun uyğun olduğunu düşünmürəm. BMT Nyu-Yorkdan getməyəcək, ABŞ-dan getməyəcək, çünki BMT-nin çox böyük potensialı var”, – deyə Tramp bildirib.
Daha əvvəl “The New York Times“ qəzeti BMT əməkdaşına istinadən yazmışdı ki, maliyyə çatışmazlığı yaranacağı halda təşkilat fəaliyyətinin miqyasını azaltmaq və ya Nyu-Yorkdakı qərargahını bağlamaq məcburiyyətində qala bilər.
Geri dön