Ceyhun Bayramov Pakistan və Türkiyə şirkətlərini işğaldan azad edilmiş torpaqların bərpasında iştirak etməyə çağırıb

“Pakistan və Türkiyədən olan şirkətləri işğaldan azad edilmiş torpaqlarımızın bərpasında iştirak etməyə dəvət edirəm”.

Qarabaginfo.az xəbər verir ki, bunu İslamabadda Pakistan, Türkiyə və Azərbaycan xarici işlər nazirlərinin İkinci Üçtərəfli Görüşündən sonra keçirilən mətbuat konfransında Azərbaycanın XİN başçısı Ceyhun Bayramov deyib.

“İşğal altındakı torpaqlarımızı azad edərkən sizin verdiyiniz dəstəkdən qürur duyduq. Bu torpaqlara həyat vermək və rifah gətirmək üçün sizin dəstəyinizi gözləyirik”, - deyə XİN başçısı qeyd edib. APA