Kreml Maduro ilə baş verənlərdən sonra ABŞ-ı etibarlı danışıqlar tərəfdaşı hesab edib-etmədiyinə aydınlıq gətirib

Kreml Nikolas Maduro ilə baş verənlərdən sonra Rusiyanın ABŞ-ı etibarlı danışıqlar tərəfdaşı hesab edib-etməməsi ilə bağlı suala cavab verib.

Qarabaginfo.az xəbər verir ki, Kremlin rəsmi nümayəndəsi Dmitri Peskov ABŞ-ın Ukrayna münaqişəsinin həlli üçün səylərinin Rusiyanın maraqlarına uyğun olduğunu bildirib.

Onun sözlərinə görə, Moskva ABŞ-ın Ukrayna ilə bağlı danışıqlar prosesindəki səylərini alqışlayır və danışıqlarda maraqlı olaraq qalır.

Peskov rəsmi Moskvanın Qrelandiya ətrafındakı vəziyyətlə bağlı mövqeyini də açıqlayıb. O bildirib ki, Rusiya dünyanın qalan hissəsi ilə birlikdə Qrenlandiya ətrafındakı vəziyyətin trayektoriyasını izləyəcək.