Erməni vitse-spiker rəsmi Moskvaya cavab verib: Rusiyanın “Tramp marşrutu”nda iştirakı müzakirə olunmur
16-12-2025, 14:40. Yazar: Admin
TRIPP layihəsində Rusiya tərəfinin iştirakı ilə bağlı İrəvanla heç bir müzakirə aparılmır.
Qarabaginfo.az Ermənistan mediasına istinadən xəbər verir ki, bu barədə parlament sədrinin müavini Ruben Rubinyan bildirib.
“Müzakirəyə hazır olduqlarını bilmək sevindiricidir, amma nəyin müzakirəsi? Belə müzakirələr yoxdur”, — o vurğulayıb.
Rubinyan layihədə Rusiya şirkətinin mümkün iştirakı ilə bağlı suala isə belə cavab verib: “Nəzəri suallara cavab vermirəm”.
Qeyd edək ki, Rusiya Xarici İşlər Nazirliyinin MDB ölkələri üzrə Dördüncü departamentinin direktoru Mixail Kaluqinin sözlərinə görə, Rusiya tərəfi “Tramp marşrutu” təşəbbüsünün parametrləri ilə bağlı İrəvanla məsləhətləşmələr aparmağa hazırdır.
Geri dön