KİV: Rusiyada “Drujba” neft kəməri yenidən partladılıb

Rusiyada Avropanın bir sıra ölkələrinə neft nəql edən “Drujba” kəmərinin bir hissəsində partlayış baş verib.

Qarabaginfo.az xəbər verir ki, bu barədə “RBC-Ukrayna” öz mənbələrinə istinadən məlumat yayıb.

Ukrayna Baş Kəşfiyyat İdarəsindəki mənbələrin verdiyi məlumata görə, neft kəmərinə hücum Taqanroq–Lipetsk hissəsində, Kazinskiye Vısellki yaşayış məntəqəsi yaxınlığında həyata keçirilib.

Mənbənin sözlərinə görə, kəmərin həmin hissəsini məhv etmək üçün uzaqdan idarə olunan partlayıcı qurğu və daha güclü yanma effekti yaratmaq məqsədilə əlavə yandırıcı qarışıqlardan istifadə olunub.