DataLife Engine > Yazdırılabilir versiyon > Umerov Brüsseldə milli təhlükəsizlik müşavirlərinin iclasında iştirak edəcək

Avropa liderlərinin milli təhlükəsizlik üzrə müşavirlərinin bu gün Brüsseldə keçiriləcək iclasında Ukrayna rəsmiləri də iştirak edəcəklər.

Qarabaginfo.az-ın xəbərinə görə, Ukrayna Prezidenti Volodimir Zelenski “X” hesabında bildirib ki, Ukraynanın Milli Təhlükəsizlik və Müdafiə Şurasının katibi Rustem Umerov, eləcə də Silahlı Qüvvələrin Baş Qərargah rəisi Andrey Qnatov iclasda iştirak edəcək.

Zelenskinin sözlərinə görə, ukraynalı rəsmilər avropalı həmkarlarını dünən Moskvada ABŞ-Rusiya danışıqları barədə məlumatlandıracaq.

Brüsseldən sonra isə Ukrayna nümayəndə heyətinin ABŞ-a səfəri və orada aparacaqları danışıqlarla bağlı hazırlıqlar görüləcək.